最近接連發生好幾單留下反政府遺書並自殺的個案，我一邊看，一邊感到很悲傷。
小伙子們，無論發生什麼事，無論對社會如何絕望，都不要死，絕對不要。因為每一條生命，都是父母懷著期盼帶到這個世界來的，你們的父母，你們的朋友，你們的兄弟姐妹，你們的戀人都需要你。這個世界還有許多美麗燦爛的東西，只要你們命夠長，一定會看得到。人生，只要還有一口氣在，就會有改變未來的可能，懷抱著最單純的盼望，堅定不移地向著目標前進，總有一日，你們會發現，目標離你們並不遙遠。當我還是二十多歲的時候，也曾經覺得人生很苦澀，很灰暗，當我活到三十歲的時候，回頭一看，我發現以前令我覺得傷心難過的事情，對比起漫長的人生來講，其實都微不足道，不值得因而獻出性命。我並不是說渴望社會變得更美好是微不足道，而是說如果這是你們的目標，那更應該活著堅持下去，而不是去送命，因為失去性命，就看不到你們願意用寶貴生命來爭取的美好未來了。
留下來比離開更需要勇氣，請愛惜生命。
-
我的HSBC Expat account終於開通了。 整個流程如下： 在2月9日收到來自HSBC Expat team的電郵，告知我可以網上申請HSBC Expat account，並提供了referal code給我。 我在2月14日透過網上連結申請HSBC Expat acc... -
以前如果想做多NASDAQ而又不採用期權的話，可以考慮買入TQQQ，以三倍槓桿做多納期達克綜合指數。現在倫敦交易所（LSE）新上架了兩個以五倍槓桿做多QQQ的槓桿股票，分別是5QQQ（以英磅結算）和QQQ5（以美元結算），大家看好QQQ走勢的話又多一個新選擇了，實在可喜。買入槓桿...
-
近日我分別增持了兩家貨幣基金，同時積極考慮增持貴金屬基金和債券ETF。為什麼不買股票呢？因為現在不論是美股還是港股，股值都已經相當高了，令我有種高處不勝寒的感覺。相比之下，債券和貴金屬價格還在波動，似乎未有到頂的情況，再三考慮下，還是先買入比較值搏的產品吧。另外，貨基成為我小量擺...
//無論對社會如何絕望
回覆刪除我完全唔明修例點解會搞到「絕望」到要自殺咁誘張? 呢個社會有乜令人害怕到連死都唔怕?
Mee too，我都吾明，係冇飯食，定冇屋住，定係没有親朋在身之邊？我真的諗吾明。
刪除身在戰亂國家如阿富汗，人都会努力逃難吧？在香港居然不能生存下去，我真的想不通！
我地用年長小小既心態去睇，的確會覺得為左修例而自殺好傻，但我地回想返自己細個所經歷過既第一次，一樣係要生要死，好似世界末日咁。我仲記得第一次返part time結果俾老闆炒左，我喊左成日好傷心，第一次失戀，我用左一二年時間去放下。代入佢地年青人既心態，可能就理解點解佢地會咁做。
刪除依家回想返，會覺得，失戀之嘛，依個男人唔愛我，我咪搵另一個愛我既男人囉。俾人炒，東家唔打打西家囉，無乜大不了，但晌廿幾歲個時，真係覺得好似世界末日咁，好難受。我諗自殺既年輕人並非因為單一原因而去死，應該係好多不如意事加埋發生，萌生對社會、對家庭、對愛情既無力感，至會選擇不歸路。希望佢地珍惜生命，社會唔好再發生依d不幸事件。
刪除//晌廿幾歲個時，真係覺得好似世界末日咁，好難受
刪除Not exactly． 我唔係教育學家，但覺得係有必要教到班後生仔要有更堅強的神經和不屈的心志（呢個和政治立埸完全無關係），自不然就唔會咁容易感到無力和絕望。
同意屋企要教育小朋友更堅強，不過只能從自己屋企開始嘞。我都希望多d後生仔女堅強d，但我自問，如果唔係屋企艱難，我都未必需要接受咁多磨練，又實在無乜理由要求依家後生仔好似我以前咁過生活既，所以算啦。
刪除不敗的魔術師
刪除如果香港的成年人會好似你咁講就有救, 但好多唔會或者唔敢講出口. 電視見到官迫民反， 民不遼生，乜香港原來慘到咁?
//我完全唔明修例點解會搞到「絕望」到要自殺咁誘張? 呢個社會有乜令人害怕到連死都唔怕?
刪除到你見到修例既實際影響既時候，可能就連絕望既機會都唔會有，發聲既自由都無。溫水煮蛙呢個道理，你應該明吧？
譴責示威者係暴徒既人，打爛兩塊玻璃，阻人返工，就話人係暴徒；回歸以嚟通過大大小小無民意支持既政策，對過百萬示威者訴求充耳不聞既極權政府，又唔見有人話佢係暴政。
當然，有好多人生活得好好，梗係唔會覺得通過乜柒條例對佢有咩影響，自己過得好就無問題，呢點我明。但唔好乜嘢都無做過，就以一副居高臨下既姿態批評為社會運動獻身既年輕人，因為你無資格。
//到你見到修例既實際影響既時候，可能就連絕望既機會都唔會有，發聲既自由都無。
刪除都係嗰句，我見唔到修例後會發生的例子，難以認同。
再說，我也有些蝗國親戚，年中都會 return home 探望一兩次，起碼他們住在深圳，我沒有覺得他們「絕望既機會都唔會有，發聲既自由都無」- 或者，他們沒有鬧政府的自由，會自我審查吧。
//對過百萬示威者訴求充耳不聞既極權政府，又唔見有人話佢係暴政
我唔會話呢個係「暴政」。老共一黨專政，唔係民選的，而特衰政府權力來自老共，所以呢個政權係有自由「唔聽民意」的。結果，又係如果想有聞煮豉油，政改雙普選是出路，但又去返死胡同：就係殺人政權不會容許「有叛意」的人做市長。所以就算有公民提名，有普選突手，選出來的人一樣要乖乖的聽老共話。
理論上，如果我城要擺脫這悲慘的命運，造反革命獨立是唯一出路；但實際上，傷民又唔會夠老解打。如果咁叫絕望，我同意，有人自殺，我不會勸阻，那是他們經過獨立思考作出的抉擇，我尊重他們選擇結束自己的生命。
//梗係唔會覺得通過乜柒條例對佢有咩影響
//唔好乜嘢都無做過
既然唔覺得「通過乜柒條例對佢有咩影響」，就唔需要「去做嘢」。這句指控有邏輯問題。
//以一副居高臨下既姿態批評
什麼叫「居高臨下」？講邏輯，理性分析就是「居高臨下」？討論時大家平起平坐，沒有什麼「大蝦細」的。所以我討厭什麼「雞蛋論」，政府有權有勢的確是高牆，但大家都是普通市民，裝作「弱勢」來指控別人「居高臨下」，這樣的話術也未免太低莊了。
//批評為社會運動獻身既年輕人，因為你無資格。
再退一萬部，要批評別人竟然先要有「資格」（誰來判定「資格」？），恐怕這種思想下對言論的控制，會比殺人政權差不了多少吧？
比起那些活著只為破壞香港，寧願把大家拖下水一起送死的賤人，自殺烈士們情操高尚得多了！
回覆刪除嗰晚我都好傷心，三條年輕人生命，大人話唔明佢係駛唔駛用死去控訴；其實我哋唔明係正常，我哋明的話，都一齊跳落去。但係，大家諗下，我哋年輕時，有無人會為社會問題以死明志? 我哋香港出咗問題。村上春樹講過就算雞蛋錯，都要站在雞蛋一方。當然唔喺推啲雞蛋變暴徒，我哋喺要保護啲雞蛋。
回覆刪除好多自以為是的大人，只懂不斷批評雞蛋點衰點蠢，用純理智去解釋、評價接近歇斯底里的行為，有什麼意義？這樣做等同不斷責難殉情的人...
刪除同樣道理你不如責難軍隊的存在啦，做人做到殉國咁蠢為乜呢？還有人責怪香港的教育，而香港的教育又是誰制定呢？真是可笑。
每項事情都上綱上線，只懂從極高level去睇，完全無助於修補社會撕裂。
最後一點，高牆上的人在談笑風生中恨不得砸死所有雞蛋；他們卻不知道，雞蛋是一種社會的緩衝，雞蛋消失後，高牆上最底一層就會變成下一批雞蛋。高牆上的人終有一天會成為雞蛋一方，只不過他們命不夠長，未必等到而已。
我只係唔希望再見到人自殺⋯無論係唔係政治事件，見到有人死總感到難過。希望真係唔好再有下一個了。
刪除政治是利用人和俾人利用............
回覆刪除我個個Facebook, 99%是反中 !
刪除好彩一早已分開私人FB和朋友FB !
我分析是依家的年輕人多數是一孩或兩孩, 在溫室長大不知外界險惡, 又怕孤獨所以好跟朋友大隊, 人地說乜都信 !
回覆刪除我本來在佢地之中一員, 常去聚會有野食有野送, 後來見到愈來愈不對路, 有政黨人加入, 所以退出了 !